ನನ್ ಎಂಡ್ತಿ

 ಇವ್ಳಲಿಲ್ಲ ನಂಗ್ಬೇಕಿದ್ದು, ನನ್ಗ್ ಬೇರೆ ಬೇಕಿತ್ತು!
ಇವಳಲ್ ಏನ್ನಾ ಕಂಡೆ ನಾನು, ಇವಳಲ್ ಎಂತದ್ದಿತ್ತು!

ಸುಂದರವಾದ ಎಂಡ್ರು ಬೇಕು ಅಂತಂತಿದ್ದೆ ಕಣ್ರೀ,
ಎಲ್ಲಾ ಬಿಟ್ಟೂ ಇಂತಾ ಯೆಣ್ಣೆ ನನ್ಗ್ ಸಿಗ್ಬೇಕಿತ್ತೇನ್ರೀ?

ಕೆಟ್ದಾದ್ ಮೂಗು, ದೊಡ್ದಾದ್ ಹಣೆ, ಇವಳಲ್ಲ ಸುಂದರಿ,
ಮೂಗಿನ್-ಮೇಲೆ ಕುಂತೈತ್ನೋಡಿ ಸೋಡಗ್ಲಾಸು ಭಾರಿ!

ಹಾಡ್ ಏಳೊವ್ರು ಬೇಕಂತಿದ್ರೆ, ಇವ್ಳ್-ಈಗ್-ನನ್ ಸಂಸಾರ,
ಹಾಡು ಆಡಕ್ ಬರಕಿಲ್ಲ, ರಾಗವು ಅಪಸ್ವಾರ!

ಪೂಜೆಗೀಜೆ ಮಾಡೊವ್ಳ್ ಬೇಕು ಅಂತಿತ್ತು ನನ್ಗ್ ಇಷ್ಟ,
ಒಂದ್ ಅತ್-ನಿಮೆಷ ಕೂತ್ಕೊಳ್ಳೋದು ಈ ಉಡ್ಗೀಗೆ ಕಷ್ಟ!

ಕೈಯಲ್-ಬಳೆ ಕಾಲಲ್ ಗೆಜ್ಜೆ ಹಾಕ್ಕೊಳೋಳ್ ಬೇಕಿತ್ತು,
ಹಣೆಮೇಲ್ ಕುಂಕುಮವಾದ್ರೂ ನೆಟ್ಟುಗ್ ಹಾಕೊಂಡ್ರೆ ಸಾಕಿತ್ತು!

ಬಳೆಯೂ ಕಷ್ಟ, ಗೆಜ್ಜೆಯನಿಷ್ಟ, ಕುಂಕುಮಬೇಡಂತಾಳೆ,
ಅರ್ಥವಾಗುತ್ತೇನೊ ನೋಡುವ ಈವತ್ತಲ್ಲಾ-ನಾಳೆ!

ಇಂಗೋ-ಎಂಗೋ ಮಾಡ್ಕೊಂಬುಟ್ಟೆ ಮಧುವೆ ಈ ಉಡ್ಗೀನಾ,
ಸುಮ್ನೇ ದಿನಾ ಗೋಳ್-ಉಯ್ಕೊಂಡು ತೆಗಿತಾಳೆ ನನ್ ಪ್ರಾಣಾ!

ನನ್ ಕಾಟಾ ನನ್ಗ್ ಸಾಕಾಗಿತ್ತು, ಇವ್ಳ್ ಬೇರೆ ಈಗ್ ಸಿಕ್ಲು,
ಬೆಳಕಾಗಿದ್-ನನ್ ಜೀವನ ಈಗ್ ಆಗೋಯ್ತ್ ಕಂಪ್ಲೀಟ್ ಕತ್ಲು! 

.... ಹಹಹ ....

ಇಷ್ಟೆಲ್ಲಾ ನಾ ಸುಮ್ಕ ಅಂದೆ, ನನ್ ಎಣ್ರುನ್ ರೇಗ್ಸಕ್ಕೆ, 

ನನ್ ಪದ್ಯಾನ ನೋಡಿಕೊಂಡು ಒಂದ್ಸಾರಿ ನಾನೇ ನಕ್ಕೆ!

ಇಂತಾ ಒಳ್ಳೆ ಈ ನನ್ನ ಎಂಡ್ರು, ಯಾರಿಗ್ ಸಿಗ್ತಾರ್-ಏಳಿ?
ಆಡು-ಏಳೋವ್ರ್ ಕಟ್ಕೊಂಡ್ ನಾನ್ ಮಾಡ್ಬೇಕಿತ್ತೆ ಕಛೇರಿ?

ಬಳೆ-ಕುಂಕ್ಮಾ ಆಕೊತಾಳೆ, ಗೆಜ್ಜೆಯೊಂದನ್ ಬಿಟ್ರೆ,
ನನ್ಗೆ ಸಂತಸ ತರ್ತಾಳೆ ನಾ ಒಂದು ಮುತ್ತು ಕೊಟ್ರೆ!

ಮುದ್ದಾದ್ ಹುಡ್ಗೀ, ಒಳ್ಳೆ ಮನಸ್ಸು, ಬೇರೆ ಬೇಕಿರ್ರ್ಲಿಲ್ಲ,
ಇವ್ಳ್ ನನ್-ಜೀವ, ಇವ್ಳ್ ನನ್-ಪ್ರಾಣ, ಇವ್ಳೇ ನಂಗೀಗೆಲ್ಲಾ!

ಇಂತಾ ಎಂಡ್ರುನ್ ಕೊಟ್-ಆ-ದೇವ್ರ್ಗೆತ್ಯಾಂಕ್ಸ್ ಎಷ್ಟ್ ಏಳ್ದ್ರೂ ಸಾಲ್ದು,
ಹೆದ್ರುಕೋ ಬೇಡಿ, ಇದೆ ಲಾಶ್ಟ್ ಲೈನ್ ನನ್ ಈ ಡಬ್ಬ ಹಾಡ್ದು :)